Kæru foreldrar

Við viljum minna ykkur á að skrá börnin ykkar í frjálsar íþróttir fyrir vorönnina. Þeir sem voru skráðir fyrir jól eru ekki sjálfskráðir inn í kerfið. Þið farið á heimasíðu Fjölnis www.fjolnir.is og farið í Iðkendaskráningakerfi félagsins (https://fjolnir.felog.is/). 

Ef þið hafið ekki farið inn í iðkendakerfið áður, þurið þið að byrja á því að samþykkja skilmála og nýskrá sig sem forráðamann. Þannig fáið þið aðgang inn í kerfið og sjáið hvaða námskeið eru í boði hjá félaginu fyrir börnin ykkar. Inni í kerfinu er svo gengið frá skráningu á námskeið og greiðslu námskeiðsgjalda, sem unnt er að greiða með kreditkorti, greiðsluseðli og/eða úthlutun frístundastyrks.

Ef valið er að greiða með frístundastyrk, þá stofnast iðkandi inn á viðkomandi námskeið hjá Rafrænni Reykjavík.  Þið getið því næst skráð ykkur inn í Rafræna Reykjavík og úthlutað frístundastyrknum til Fjölnis, en síðan farið þið inn í félagakerfið að nýju til að staðfesta fulla greiðslu með frístundastyrk, eða til að velja greiðslumáta fyrir því sem upp á vantar til að greiða að fullu fyrir námskeiðið.

Upplýsingar og aðstoð við innskráningu hjá starfsfólki skrifstofu Fjölnis í síma 578-2700 virkadaga frá 9:00 – 16:00 eða með tölvupóst á fjolnir@fjolnir.is

 

Mikilvægt er að ganga frá skráningu barnanna fyrir lok janúar 2012.

Með kveðju

                    þjálfarar

Heil og sæl

Þá eru æfingar komnar á fullt skrið hjá okkur í frjálsum og gaman að sjá ný andlit í hópnum ásamt þeim sem æfðu fyrir jól með okkur  Framundan er án efa skemmtilegur vetur hjá okkur

Eina mótið sem er þessari önn er Reykjavíkurmeistaramót 10 ára og yngri sem fer fram í Laugardalshöllinni 13.mars. Endilega skrifið það hjá ykkur á dagatalið ykkar og takið daginn frá svo þið getið keppt á mótinu þegar þar að kemur. Nánari upplýsingar um mótið koma síðar

Æfingarnar fara að mestu í grunnþjálfun, leiki og ýmsar mælingar. Í fyrstu leggjum við áherslu á spretthlaup og stökk. Því næst förum við köst og í mars æfum við fyrir Reykjavíkurmeistaramótið. Í lok annar leggjum við áherslu á þol.

Já, það er ALLTAF FJÖR Í FRJÁLSUM

Með frjálsíþróttakveðju

                          Þjálfarar

                          Ninna Ómarsdóttir, ninna@islandia.is, sími 8992725

                           Olgeir Óskarsson, sími 6937963

Sæl

Á morgun hefst vorönnin hjá okkur í frjálsum, 9.janúar, í Rimaskóla kl. 17:00-17:50. Allir sem hafa áhuga á að æfa með okkur eru velkomnir á æfingu í þessari fyrstu viku og þeir sem æfðu fyrir jólin eru hvattir til að koma með vin með sér

Með frjálsíþróttakveðju

Þjálfarar

Sæl

Mikið var nú gaman í jólaskrallinu í dag Við sáum Mr.Bean og jólin, allir fengu kökur og mandarínur, við fórum í partýleiki og þvílíkt fjör þegar við fórum í pakkaleikinn. Allir fengu viðurkenningaskjal með sér heim ásamt nammipoka með góðri kveðju.

Nú er komið jólafrí og fyrsta æfingin á nýrri önn verður mánudaginn 9.janúar 2012 kl. 17:00-17:50.

Eigið gleðileg jól og takk fyrir árið sem er að líða.

Með kærri jólakveðju

                        Þjálfarar

Sæl

Það var mjög jólalegt á æfingunni hjá okkur í dag því allir komu með jólahúfu eða í rauðum fötum á æfinguna Það var fámennt en góðmennt og þeir sem mættu á æfinguna voru hressir og kátir og skemmtu sér konunglega í Tarsanleiknum

Nú er komið jólafrí frá æfingum en krakkar, munið samt eftir jólaskrallinu heima hjá Ninnu á miðvikudaginn kl. 17-18

Sjáumst hress og kát

                                 Þjálfarar

Sæl

Sunnudaginn 11.desember kl.14:30-16:00 verður haldið jólaball Ungmennafélagsins Fjölnis í Dalhúsum.  Miðinn kostar 500 kr á barn, innifalið í miða er nammi- poki og ávaxtasafi  Enginn aðgangseyrir verður fyrir fullorðna en veitingasala verður á staðnum. Hægt er að kaupa miða á skrifstofu Fjölnis í Egilshöll eða við innganginn. Sjá nánar um ballið hér:   http://fjolnir.is/home/auglysing.dot

Með frjálsíþróttakveðju

                                      Þjálfarar

Sæl

Æfingar verða með eðlilegum hætti þar til síðasta æfing haustannarinnar verður mánudaginn, 12.desember í Rimaskóla.  Þá ætlum við í Tarzanleik og gaman væri að sjá ykkur krakkar í einhverju rauðu t.d. með jólasveinahúfu.

Miðvikudaginn 14.desember ætlum við að hafa smá jólaskrall fyrir ykkur krakkar heima hjá Ninnu í Smárarima 38 kl. 17-18.Við munum fara í ýmsa partýleiki og fleira skemmtilegt. Allir fá viðurkenningaskjal með árangri sínum í vetur.

Jólafríið hjá okkur hefst að þessu fjöri loknu og vorönnin hefst síðan mánudaginn 9.janúar í Rimaskóla kl. 17:00-17:50.

Sjáumst hress og kát

                             Þjálfarar

Sæl

Við notuðum tækifærið og höfðum leikjaæfingu í dag til að fagna góðu gengi á Innanfélagsmótinu Við fórum í hina ýmsu eltingaleiki og enduðum síðan á geysiskemmtilegum leik sem heitir Sparkó. Já, það var bara stuð á æfingunni

Sjáumst hress og kát á æfingu á miðvikudaginn í Egilshöll.

                                                                                              Þjálfarar

            ALLTAF FJÖR Í FRJÁLSUM!

Sæl

Úrslitin frá Innanfélagsmótinu eru komin á vefinn og þið getið séð úrslitin hér: http://mot.fri.is/cgi-bin/ibmot/timesedillib1767.htm  

Við óskum enn eftir myndum frá mótinu ef eitthvert foreldrið hefur áhuga á að deila þeim með okkur

Takk fyrir síðast, sjáumst hress og kát á æfingu á mánudaginn í Rimaskóla kl.17.

Með frjálsíþróttakveðju

                             Þjálfarar

Sæl

Það var gaman að sjá hvað allir voru duglegir og hressir á Innanfélagsmótinu okkar í dag

Við vorum því miður ekki nógu dugleg að taka myndir því við vorum svo önnum kafin við mælingar en þær myndir sem við tókum verða settar hér inn. Ef eitthvert foreldranna vill deila með okkur myndum mega þeir gjarnan senda okkur myndir á ninna@islandia.is og þá munum við setja þær hér á bloggið

Úrslitin frá mótinu koma væntanlega inn á morgun og síðan verða þau sett inn á heimasíðu FRÍ. Þá verða þeir sem kepptu komnir í afrekaskrá Fjölnis. Fylgist vel með hér á blogginu

Hittumst hress og kát á æfingu á mánudaginn, 21.nóvember í Rimaskóla.

Kveðja

          Þjálfarar

Sæl

Engin æfing er á miðvikudag 16.nóv.  

Á fimmtudaginn 17.nóv., verður Innanfélagsmótið hjá okkur í Fjölni í frjálsíþróttahöllinni í Laugardal. Mæting í höllina er korter fyrir mót, eða 16:45 við inngang frjálsíþróttahallarinnar (farið inn bakdyramegin á Laugardalshöll innst í portinu). Keppni hefst kl.17 og keppt verður í þremur greinum: 60m hlaupi, langstökki og 400m hlaupi. Gott er að keppa í stuttbuxum, stuttermabol og í íþróttaskóm (mega vera útiskór).  Þátttakan er ókeypis. Ef einhverjir foreldrar geta aðstoðað við að mæla og raka í sandgryfjunni í langstökkinu er það vel þegið.  

Næsta æfing verður á mánudaginn í Rimaskóla, 21.nóvember kl. 17:00.

Með frjálsíþróttakveðju

                                      Þjálfarar

Ninna Ómarsdóttir, ninna@islandia.is sími: 899-2726

Olgeir Óskarsson, sími: 693-7963

Sæl

Á undanförnum árum höfum við verið með til sölu Fjölnisgula boli fyrir þá sem vilja. Verðið hefur verið mjög gott 1.500 kr bolurinn hann er merktur Fjölnismerkinu að framan og Fjölnir frjálsar stendur með bláa litnum aftan á bolunum. Ég verð með boli til mátunar á mánudaginn kl.17.50 sem passar við að foreldrar og forráðamenn sem hafa áhuga á að kaupa boli á krakkana komi og máti um leið og þeir sækja eftir æfinguna. Mikilvægt er að þessi mátunartími sé nýttur af öllum þeim sem hafa áhuga á bolunum en við stefnum á að afhenda bolina fyrir mótið á fimmtudaginn ef ekkert fer úrskeiðis.

Ef foreldrar komast ekki sendið mér póst með nafni barns eða miða með barninu og þá mun ég hjálpa viðkomandi að finna rétta stærð. Ég mun ekki taka niður pantanir nema að fá staðfestingu frá foreldrum/forráðamönnum.

Bolirnir eru ekki afhendir nema gegn staðgreiðslu það er þægilegast þannig.

Endilega þeir sem hafa áhuga bregðist fljótt við svo að þetta geti gengið hratt og örugglega fyrir sig.

   Kveðja                 

           Unnur Sigurðardóttir logafold@hotmail.com

Sæl 

Í  dag gerðum við ýmsar æfingar fyrir snerpu til að auka hraða og viðbragð. Við æfðum okkur líka í ýmsum hoppum sem við munum prófa ykkur í á næstu æfingu   Að lokum enduðu allir á að hlaupa 400m og allir stóðu sig vel í því

Framundan er Innanfélagsmót hjá okkur í Fjölni í frjálsíþróttahöllinni í Laugardal á fimmtudaginn í næstu viku, 17.nóvember.

Mæting í höllina er korter fyrir mót, eða kl.16:45 við inngang frjálsíþróttahallarinnar (farið inn bakdyramegin á Laugardalshöll innst í portinu).

Keppni hefst kl.17 og keppt verður í þremur greinum: 60m hlaupi, langstökki og 400m hlaupi.

Ef einhverjir foreldrar geta aðstoðað við að mæla og raka í sandgryfjunni í langstökkinu er það vel þegið

Æfingin í Egilshöll fellur í staðinn niður á miðvikudeginum 16.nóv.

Næsta æfing eftir mót verður á mánudaginn í Rimaskóla, 21.nóvember kl. 17:00

Sjáumst hress og kát þá

                                   Þjálfarar

Í dag æfðum við þrístökk til heiðurs Vilhjálmi Einarssyni sem fyrstur og eini Íslendingurinn sem hefur sett Ólympíumet. Á þessum Ólympíuleikum vann hann til silfurverðlauna árið 1956, eða fyrir 55 árum. Hér fyrir ofan sjáið þið hann stökkva silfurstökkið

Alda: 3,50 - 4,25 - 3,73      Ari: 3,30 - 3,91 - 4,04            Birna: 3,69 - 3,83 - 3,77

Birta: 3,31 - 4,40 - 3,81      Bjartey: 4,17 - 4,67 - 4,76     Inga: 4,50 - 4,41 - 4,83

Ísak: 2,44 - 1,99 - 2,28       Ísar: 3,32 - 4,02 - 4,08           Jökull: 2,67 - 2,90 - 2,54

Kristín: 3,87 - 4,38 - 4,42   Kristján: 4,10 - 3,57 - 4,21      Lárus: 4,30 - 4,24 - 4,47

Logi: 1,80 - 1,72 - 2,10       Óskar: 3,15 - 3,00 - 3,54        Siggi: 2,80 - 2,82 - 2,95

Sóley: 3,92 - 3,90 - 4,17     Una: 4,02- 4,17 - 4,73            Valgerður. 4,54 - 4,55 - 3,96

Rosalega flott æfing hjá ykkur og frábær árangur Fylgist vel með blogginu því síðar í vikunni verða allar upplýsingar komnar varðandi Innanfélagsmótið okkar í næstu viku

Hlökkum til að sjá ykkur á næstu æfingu

                                                             Þjálfarar

Sæl

Það var fjör hjá okkur á æfingu í Egilshöll í dag Við tókum fyrir ýmis konar boðhlaup með grindum, sippuböndum og spilum, æfðum skutlukast og enduðum á því að stökkva í langstökksgryfjuna. VÁ, það voru eintómir snillingar sem mættu á æfinguna í dag því allir náðu að stökkva yfir sippubandið í sandinum. Flott hjá ykkur

Það verður Innanfélagsmót núna í nóvember en nánari upplýsingar koma í næstu viku. Við biðjum ykkur um að fylgjast vel með hér á blogginu svo þið missið ekki af þessu skemmtilega tækifæri

 Sjáumst hress og kát á mánudaginn í Rimaskóla

                                                                  Þjálfarar